ټاکل شوې چې د مصر په پلازمېنه قاهره کې په غزې تړانګه کې د اوربند اړوند د خبرو دویم پړاو پیل شي.
دا په داسې حال کې ده چې حماس، چې امریکا او اروپايي ټولنه یې ترهګره ډله بولي، د فلسطین په خاوره کې د جګړې پای ته د رسولو په اړه تړون رد کړی دی.
د برېتانیا د ورکړيو معلوماتو له مخې، مرکچیان هڅه کوي چې د اووه میاشتو راهیسې د روانې جګړې درولو لپاره وړاندیز شوې ۴۰ ورځنۍ وقفه عملي کړي او د فلسطینيو بندیانو په بدل کې یرغمل شوي کسان خوشې کړي.
د حماس یو لوړپوړي چارواکي ویلي دي چې د مې پر پینځمه په قاهره کې د قطر، مصر او امریکايي مینځګړیو په موجودګۍ کې د خبرو دویم پړاو پیلېږی.
د حماس چارواکو پر اسراییلي وزیراعظم بنیامین نتنیاهو تور پورې کړی دی چې" شخصاً" د تړون مخې ته "خنډونه" دروي، خو یو لوړپوړي اسراييلي چارواکي ویلي دي چې حماس د جګړې پای ته رسولو له غوښتنې څخه له په شا کېدو په انکار کولو "موافقې ته د رسېدو د امکان مخه نیسي."
