د هند او د زېمبابوې د کرکټ ملي لوبډلې د پینځو ۲۰ اووره سیالیو د لوبلړۍ په درېیمه سیالۍ کې یو بل ته مخامخېږي.
د پلازمېنې هرارې په لوبغالي کې د جولای ۱۰مې سیالي د پېښور پر وخت د مازیګر پر څلورو او د کابل پر درې نیمو بجو پیلېږي.
تر دې مخکې هند د جولای پر اوومه په دویمه سیالۍ کې کوربه زېمبابوې ته په ۱۰۰ منډو ماتې ورکړې وه خو لومړۍ لوبه زېمبابوې په ۱۳ منډو ګټلې وه.
ټاکل شوې چې دواړه لوبډلې د جولای پر ۱۳مه او ۱۴مه د لوبلړۍ پاتې سیالۍ وکړي.
دا په داسې حال کې ده چې هند د جون په پای کې جنوبي افریقا ته په ماتې ورکولو د ۲۰ اووره کرکټ نړیوال جام وګاټه.
