په افغانستان کې د طالبانو له واکمنېدو وروسته، په لومړي ځل له جرمني د هغو افغانانو د بېرته ستنولو لړۍ پیل شوې چې په جرمونو کې ککړ بلل شوي دي.
د جرمني د سیمه ییزو کورنیو چارو وزارت خبر ورکړی چې د اګست پر ۳۰مه سهار، د جرمني له لایپزګ/هیل هوایي ډګر څخه افغانستان ته یوه الوتکه روانه شوې ده.
هغه الوتکه د قطر د هوایي شرکت ځانګړې الوتکه ده او ۲۸ هغه افغانان لیږدوي چې په جرمونو کې ککړ ول او د جرمني له بېلابېلو سیمو څخه هوایي میدان ته ورټول شوي ول. دغه الوتکه د ساکسني سیمې له لوی ښار لیپزیګ څخه د کابل پر لور روانه شوې ده.
د جرمني د چانسلر اولاف شولز په وینا، د مې میاشتې په پای کې، په مېنهېم کې تر برید وروسته، حکومت پرېکړه وکړه چې له افغانستان او شام ته به په خطرناکو جرمونو کې ککړ کسان ستانه کړي.
د روان ۲۰۲۴ز کال په جون کې یو افغان کډوال د جرمني د جنوب لوېديځ ښار مېنهېم یو پولیس سرتېرې په چاقو وهلی وو او هغه ېې وژلی وو. دې پېښې په جرمني کې د امنیت او جرمونو په اړه د بحثونو شدت زیات کړ او د افغان مجرمینو د بېرته استولو لړۍ یې پیل کړه.
