د افغانستان د ازادۍ جبهه نومي وسله واله ډله ادعا کوي چې په کابل کې یې دوه بریدونه کړي، ۵ طالبان یې وژلي او ۲ یې ټپيان کړي دي.
دې جبهې د سيپتمبر پر ۱۱مه، پر خپله ایکسپاڼه یا پخواني ټويټر ليکلي چې دا حملې یې د سرای شمالي او بادام باغ د لارې په اوږدو کې تېره شپه ترسره کړي دي.
بلخوا د طالبانو یوه بلې مخالفې ډلې، ملي مقاومت هم په يوه خبرپاڼه کې ادعا کړې ده چې د کابل په دیوان بیګي سیمه کې یې ۲ طالبان وژلي او ۲ نور یې ټپيان کړي دي.
طالبانو د دې ادعاوو په اړه تر اوسه څه نه دي ويلي.
