پېښور کې انتخاباتي بهیر روان دی
- لیکوال/لیکواله ګل ایاز
پېښور - د خیبر پښتونخوا په مرکز پېښور کې انتخاباتي بهیر دوام لري. د ښار په بېلابېلو برخو کې د رایې اچونې په مرکزونو کې ګڼه ګوڼه په زیاتېدو ده.
د پښتون ژغورنې غورځنګ مشر خوشې شوی دی
- لیکوال/لیکواله ملیحه امیرزاده
د پښتون ژغورنې غورځنګ (پي ټي اېم) مشر منظور احمد پشتین د پنجاب د اټک له زندانه خوشې شوی دی.
د پي ټي اېم مشر منظور پښتين د جنورۍ له څلورمې راهیسې د عامه نظم زیانمنولو د مخنیوي قانون د درېیمې مادې (۳ اېم پي او) له مخې لومړی د پنجاب د جهلم او بیا د جنورۍ له ۳۰مې راهیسې د اټک په زندان کې بندي وو.
د غورځنګ یو مخکښ ادریس پشتین د فبرورۍ پر اوومه شپې ناوخته مشال راډیو ته وویل چې تر ډېرو قانوني او عدالتي هڅو وروسته منظور پشتین د چارشنبې (شورو) پر ماښام خوشې شوی دی. "مشر منظور پشتین له دوو میاشتو څخه د زیاتې مودې تر بند وروسته په درې اېم پي او [قضیه] کې له جېله خلاص شو. زموږ مبارزه به دوامداره وي او د پښتنو د حقونو او د وسایلو خبره به [هرومرو] پورته کوو."
په دې اړه بشپړه لیکنه دلته ولولئ.
په پاکستان کې انتخابات روان دي او خلک خپلې رایې کاروي. د دې عمل تازه حال لپاره د مشال راډیو ژوندۍ خپرونه وګورئ چې کوربه یې ګل ایاز او جوړوونکی یې اسحاق خان دی.
- لیکوال/لیکواله نیاز علي
په کراچۍ ښار کې د فبرورۍ پر اوومه په شوې چاودنه کې د وژل شویو شمېر درې ته لوړ شوی دی. د پولیسو یو لوړپوړي چارواکي ظفر مهسر شپې ناوخته رسنیو ته وویل چې په وژل شویو کې یوه ښځه او یو ماشوم هم شامل دي. دی زیاتوي چې د ګلشن اقبال په پېښه کې شپږ تنه ژوبل هم دي. د هغې چاودنې ذمه واري لا چا نه ده منلې.