دا انځور د الازهر پوهنتون د جومات دی. په همدې ځای کې د پوهنتون اساس کېښودل شو.
مشال راډیو د اسلام او الازهر په نوم یوه نوې خپرونه پیل کړې ده چې په دې کې د مصر د الازهر پوهنتون پر تاریخ او ارزښت بحث شوی دی.
الازهر پوهنتون د مصر په سر ښار قاهره کې يو جومات او پوهنتون دی چې د تېرو څه باندي ۱۰۰۰ کالونو راهيسې د منځلاري اسلام درس ورکوي؛ او دا مهال په دې پوهنتون کې د ۱۰۶ هېوادونو ۵۰۰۰۰۰ زده کوونکي مذهبي او عصري زدکړې تر لاسه کوي.
د اسلام او الازهر په نني پروګرام کې د الازهر پوهنتون پر تاريخ او ارزښت بحث شوی دی چي کوربه يې احمد شاه اعظمي دی.
