د پاکستان د بلوچستان په تربت سیمه کې پر یوه کیمپ د شویو ډزو په نتیجه کې اتلس کسان وژل شوي دي.
د بلوچستان د بلوڅ مېشتي سیمې تربت د لیویزو چارواکي وايي، تېره شپه په لرې پرته سیمه کې وسله والو له کراچۍ ایران ته تلونکو د کسانو په کیمپ ډزې وکړې.
د تربت یوه انتظامي چارواکي محبوب حسن مشال راډیو ته وویل، پر دې کسانو د ورشولي په کیمپ کې ډزې وکړې.
محبوب حسن وايي، انساني قاچاقبرانو دا کسان په ناقانونه توګه ایران ته بیول.
د ده په خبره، دا کسان مزدوران مالومېدل.
نوموړي له مشال راډیو سره د خبرو پر وخت وویل، تر اوسه یې په وژل شویو کې د څلورو کسانو پېژندګلوي کړې ده چې پنجابیان دي.
حسن زیاتوي، هر کله چې د ټولو کسانو پېژندګلوي وشوه نو دوی به یوه خبر پاڼه خپره کړي.
د پېښې پړه بلوڅ لېبرېشن ټایګر یا بي ایل ټي په غاړه اخیستې ده.
د دې ډلې میران بلوڅ چې ځان د بي ایل ټي ویاند بولي، رسنیو ته یې ویلي، دوی دا کسان وژلي دي.
میران بلوڅ ګواښ کړی که د پنجاب اوسېدونکي بیا د بلوچستان خاوره کاروي، نو بیا به هم وژل کېږي.
په بلوچستان کې له پاکستانه د ازادۍ له پاره بلوڅ بیلتونپالي ملتپالان له مودې راهیسې وسله واله مبارزه کوي او په صوبه کې مېشت پنجابیان او دې صوبې ته راتلونکي پنجابیان وژني.
د بلوچستان د بلوڅ مېشتي سیمې تربت د لیویزو چارواکي وايي، تېره شپه په لرې پرته سیمه کې وسله والو له کراچۍ ایران ته تلونکو د کسانو په کیمپ ډزې وکړې.
د تربت یوه انتظامي چارواکي محبوب حسن مشال راډیو ته وویل، پر دې کسانو د ورشولي په کیمپ کې ډزې وکړې.
محبوب حسن وايي، انساني قاچاقبرانو دا کسان په ناقانونه توګه ایران ته بیول.
د ده په خبره، دا کسان مزدوران مالومېدل.
نوموړي له مشال راډیو سره د خبرو پر وخت وویل، تر اوسه یې په وژل شویو کې د څلورو کسانو پېژندګلوي کړې ده چې پنجابیان دي.
حسن زیاتوي، هر کله چې د ټولو کسانو پېژندګلوي وشوه نو دوی به یوه خبر پاڼه خپره کړي.
د پېښې پړه بلوڅ لېبرېشن ټایګر یا بي ایل ټي په غاړه اخیستې ده.
د دې ډلې میران بلوڅ چې ځان د بي ایل ټي ویاند بولي، رسنیو ته یې ویلي، دوی دا کسان وژلي دي.
میران بلوڅ ګواښ کړی که د پنجاب اوسېدونکي بیا د بلوچستان خاوره کاروي، نو بیا به هم وژل کېږي.
په بلوچستان کې له پاکستانه د ازادۍ له پاره بلوڅ بیلتونپالي ملتپالان له مودې راهیسې وسله واله مبارزه کوي او په صوبه کې مېشت پنجابیان او دې صوبې ته راتلونکي پنجابیان وژني.