سراج ظهير - مشال راډيو
اسلام اباد:- په پرمخ تللي نړۍ کې د اقتصاد بنياد تش په کرکرونده يا په کارخانو او تجارت نه دى ولاړ بلکې هغوی د خپل ملکي اقتصاد لپاره نوي نوي ګامونه پورته کوي چي پکې يو ډيرمهم ګام یې د سيلګرۍ صنعت دى. د يورپ د زياتره ملکونو په خپل کلني بجټ کې د سيلګرۍ صنعت لپاره یوه زیاته ونډه ږدي.
د خیبر پښتونخوا د سوات او کالام سربيره د پښتنو په قبائيلي سيمو کې ګڼ شمير د سيل ځايونه دي چې د سیمې اوسيدنکيو په وينا که چري حکومتي پاملرنه ورته ورکړل شي نو دا به نه يواځې د پاکستان اقتصاد ته وده ورکړي بلکې د امن او قلاري په ځاي کولو کې به هم غوره کردار ولوبوي.
زموږ په کرمه کې داسې ځايونه شته چې د برتانیې د واکمنۍ له وخته راپاتې دي چې دکتلو وړ دي. او داسې په باجوړ کې هم سيري سر هم د سيل مرکز دى چې په کې ريسټ هاوس هم شته او ډير محفوظ ځائ هم دی.
د سيفران وفاقي وزير شوکت الله خان
د باجوړ ايجنسۍ غاښی غر یو له زړه راښکونکو سیلاني سیمو دی، له ونو بوټو ډک او ځای په ځای په کې له چینواوبه بهېږي چې ښکلا یې لا پسې زیاتوي.
د دې ترڅنګ اورکزو ايجنسۍ کې سمانا او کرمه کې شلوزان او پاړه چنار پخپله له قدرتي ښکلا ځل بل دی او د يو ښائسته ژوند احساس ورکوي.
همداراز پر تيراه هم ښایستونو داسې رنګونه شیندلي چې په لیدو یې اوږده اوږده ستړي
مزل وهلي هوساینه اخلي.
په جنوبي او شمالي وزيرستان کې هم يو شمير داسې ښائيسته ځايونه شته دي چې د دې ځای خلک نه یوازې پرې نازېږي بلکې وايي که یې لارې ګودرې ورته برابرې کړې نو ددغه سیمې اوسېدونکي پښتانه به تر ډېره د پردیو ملکونو له مزدرو او خواریو راوګرځي او په خپل کلي کور به اباده وي.
له خام رنګه تر پري غر او کونډي غره پورې سيمې د جنوبي وزيرستان په برخه رسيدلي دي او دغه شان د شمالي وزيرستان ښائست بیا خيسور درې یو په دوه کړيدى،چرته چې د تاريخ ستر مبارز فقيرايپي سترګې غړولې وې. هلته برمل، شوال او رزمک هم لروبر د خپلې طبعي حسن ګلونه لروبر پاشلي دي.
خيبر ايجنسي هم د هيرولو نه ده دلته داسې تاريخي ځايونه دي چې پښتانه پرې تل وياړي. له خيبر دروازې واخلې د لنډي کوتل تر رېلوې سټشنه پورې یو يو ځای یې د سيلګرۍ له پاره په زړه پورې دی.
لله تعالی پاړه چنار او کورمې ته ډير ښائيست ورکړی دی او دلته د سېلګرۍ ډير زيات ځايونه دي، خو حکومتي توجه نشته نو ځکه خو د سيلګرۍ مرکزونه مو له لاسه ووځي.
د پاړه چنار يو مشر ملک حبيب اورکزی.
د قبائيلي سيمې یو څېړونکي محب وزير مشال ريډيو ته وويل، چې په پاکستان کې کله هم د پښتنو سيمو ته په درنه سترګه نه کتل کېږ، او که وکتل شي نو قبائيلي سيمې هم د پښتنو دي او په دې کې چې کوم سياحتي مرکزونه دي دې ته ځکه توجه نه ورکول کېږي چې دلته د پاکستان چلونکي پنجاب ته ګټه نه ترلاسه کيږي.
”نو که ٥٠ کاله وړاندې دې سيمو ته پام راګرځول شوی وای نو دا د ترهه ګرۍ چې نن روانه ده دا به نه وای.زه وایم اوس هم څه تللي راغلي نه دي پکار ده چې حکومت کوم ځائ اپريشن وکړي او خپله عمل داري پر ځائ کړي نو چې په سمدستي توګه دغلته د سياحت مرکزونو ته توجه ورکړي نو داسې به امن ته هم وده ترلاسه شي او د فاټاد اولس ته به د روزګار موقعې هم په لاس ورشي. “
د پاړه چنار يو مشر ملک حبيب اورکزی مشال ريډيو ته وايي،
”پخوا له پاړه چناره بره يوه بنګله چې انګريزانو جوړه کړې وه، هغې ته به له پاړه چناره خلکو په پښو او خچرو ٦ کلوميټره سفر کاوه. دغه ډير زيات مشهور او ښائسته ځائ و او خلکو به ورته یو کال وړاندې د تلو بندوبست جوړولو چې راتلونکې اوړي به دغه بنګلې ته ځو نو زه دا ويم چې الله تعالی پاړه چنار او کورمې ته ډير ښائيست ورکړی دی او دلته د سېلګرۍ ډير زيات ځايونه دي، خو حکومتي توجه نشته نو ځکه خو د سيلګرۍ مرکزونه مو له لاسه ووځي. “
په کلتوري چارو نظر لرونکې او د خيبر ايجنسۍ شير عالم شينواري مشال ريډيو ته وویل چې دلته د سېلګرۍ يو ځائ نه بلکې ګڼ ځايونه دي چې خلک ځان ته راکاږي. په دې کې تورخم او ورسره تړلې سيمې او بيا په کې د حمزه بابا مزار هم اضافه وکړه.
”نو د جمرود د باب خيبر نه واخله تر د خيبر تاريخي درې پورې او بيا د علي مسجد او بيا له دې مخکي جمرود قلعه په رنګ ډير داسې ځايونه دي چې د ليدلو وړ دي. خو حکومت او انتظامییه ورته ډېر پام نه اړوي. خيبر دره خو ډيرتاريخي ارزښت لري او دلته لنډي کوتل ريلوې سټېشن چې پخوا به ورته خلک ورته د نړۍ له یو شمېر برخو د لیدو لپاره راتلل. دغهد ريلوې سټيشن هم د تير کال سيلاونو لاهو کړ. “
د سيفران وفاقي وزير شوکت الله خان وايي په فاټا کې د سيلګرۍ يو شمير ځايونه موجود دي چې په کې سرکاري مېلمستونونه (ريسټ هاوسز) جوړ کړل شوي دي او په دې کې د انګريز د دورې هاغه هم شته. دده په خبره چې څوک نه راځي نو په زور خو یې نه شي وربللائ.
” زموږ په کرمه کې داسې ځايونه شته چې د برتانیې د واکمنۍ له وخته راپاتې دي چې دکتلو وړ دي. او داسې په باجوړ کې هم سيري سر هم د سيل مرکز دى چې په کې ريسټ هاوس هم شته او ډير محفوظ ځائ هم دی او اوس ورته موږ د نړيوال بېنک په مرسته سړک جوړوو او دغه رنګ دا منصوبې زموږ د حکومت په ذهن کې شته او موږ به په دې کار کوو. “
د مهمند اېجنسۍ یوه غرنیزه سیمه