د سندرو امېل خپرونې پاڼې ته ښه راغلاست.
د مې پر ۱۱مه نېټه په پاکستان کې پارلېماني انتخابات کېږي. د دې هیواد د پنجاب صوبې ځینو سندرغاړو د بېلا بېلو ګوندونو له پاره د انتخاباتي کیمپېن په لړ کې سندرې هم ویلې دي.
د پښتو ژبې سندرغاړی ګلزار عالم وايي، هنرمندان سیاسي خلک نه وي او دی هم سیاسي سړی نه دی خو بیا یې هم د عوامي نیشنل ګوند له پاره د سندرو یو کیسټ رېکارډ کړی دی چې سندرې یې د پښتونخوا له بېلا بېلو راډیو ګانو خپرېږي.
دی وايي، پاکستان د نورو تجربو توان نه لري او ولس باید هغو کسانو ته ووټ ورکړي چې ریښتیا د خلکو ستونزو هوارولو کار کوي.
د پښتنو یو بل سندرغاړی بختیار خټک وايي، ځینو سیاسي ګوندونو ورته ویلي ول چې انتخاباتي کیمپېن دې ورته وکړي. دی وايي، پاکستان تحریک انصاف هم ورته ویلي ول چې د دوی په کیمپېن کې دې ورسره مرسته وکړي خو دی د تذبب ښکار دی.
خټک وايي، د ده مخې ته دا پوښتنه ولاړه ده چې ولې د پنجاب یوه دوه ګوندونو وکولای شول چې په ازادانه توګه خپل کیمپېن وکړي خو په نورو ګوندونو حملې کېږي؟
دی وايي، دا پوښتنه باید هر پښتون له ځانه وکړي او د انتخاباتو پر ورځ خپله رایه وکاروي.
د انتخاباتو په اړه د هنر مندانو د خبرو نورې برخې سره د سندرو په دې خپرونه کې اورېدای شئ.
د سندرو امېل هره اوونۍ هارون باچا جوړوي.
خپرونه د غږ په ځای کې اورېدای شئ.
ستاسې سېسټم د HTML5 په چلولو کې ستونزه لري.
د سندرو امېل- له هارون باچا سره