پاکستان د افغانستان پوځ مشر جنرل شير محمد کريمي له بي بي سي سره د کړې مرکې هغه څرګندونې رد کړې چې په کې نوموړي ويلي ول، طالبان د پاکستان په کنټرول کې دي.
د خارجه چارو دفتر لخوا جاري شوې خبر پاڼه کې ويل شوې دي چې دا تورونه بېبنياده وګرځول.
په بيان کې دا هم ويل شوي دي چې پاکستان له تيرو څو مياشتو راهيسې د افغانستان ملکي او پوځي چارواکو له طرفه پارونکې ژبه برداشتوي. خبر پاڼه دا هم وايي، له داسې بيانونو مالوميږي چې په افغان حکومت کې داسې عناصر موجود دی چې هغوی پرخلوصه نه دي.