د ملي امنیت عمومي ریاست وايي، په کندهار کې یې یوه لس کسیزه وسلواله ډله نیولې چې غوښتل یې، د ولایت پر ودانۍ، هوایې ډګر، د ښار په ګڼه ګوڼه سیمو او ځینو شخصیتونو باندي حملې وکړي.
د ملي امنیت مطبوعاتي دفتر ازادي راډیو ته وویل چې په دې کسانو کې یې پنځه داسې دي چې غوښتل یې انتحاري حملې وکړي.
د ملي امنیت ریاست مطبوعاتي دفتر وایې، چې له دې کسانو سره وسلې، د انتحاري حملو وسایل او چاودیدونکي مواد هم نیول شوي دي.
سرچینه زیاتوي چې دغې ډلې د پاکستان په کوټې ښار کې ددې حملو د ترسره کولو پلان جوړ کړی وو چې شنډ کړای شو.