پراګ: د جولایي پر پنځمه نېټه په پاکستان کې د جنرال ضياء والحق لخوا د مارشلا د لګيدلو اوه ديرش کاله پوره شو.
د پاکستان پوځ د جنرال ضياءالحق په مشري کې د ۱۹۷۷م کال د جولايي پر پنځمه نېټه د پيپلز پارټی د بنسټ ايښودونکي او د دې هيواد د لومړي ځل لپاره د ټاکل شوي وزيراعظم ذوالفقار علي بهټو حکومت نسکور کړ.
ذوالفقار علي بهټو په ۱۹۷۵م کال کې د هغه وخت د حزب اختلاف لوی ګوند نيشنل عوامي پارټی ناقانونه ګرزولې وه او د هغه ګوند ټول مشران يې د غدارۍ په دوسيه کې په حيدرآباد زندان کې اچولي وو. په دې زندانيانو کې د عوامي نيشنل ګوند يو مشر اوسنی سنېټر افراسياب خټک هم شامل وو.
کله چې د ۱۹۷۷م کال د جولايي پر پنځمه د هغه وخت د پوځ مشر جنرال ضياء الحق مارشلاء ولګوله نو هغه وخت د حيدرآباد زندان ته دا خبر څنګه ورسېدی ، وروسته د جنرال ضياولحق او د نيپ د مشرانو ترمنځ څه خبري اترې وشوې او دا چي که په پاکستان کې پوځ ټاکل شوی حکومت مه وای ړنګ کړی نو اوس به د پښتنو حالت هم داسې وو لکه چې دی او یا به بدل وای؟
د مشال راډیو عبدالحي کاکړ له افراسياب خټک سره د دې ورځي په مناسبت ځانګړی مرکه کړې ده.
ستاسې سېسټم د HTML5 په چلولو کې ستونزه لري.
د سنېټر افراسیاب خټک مرکه دلته واورئ