اسلام اباد: د پاکستان وفاقي حکومت د ۲۰۱۵ – ۲۰۱۶م مالي کال لپاره وفاقي بودیجه وړاندې کړه.
د پاکستان وفاقي وزیر اسحاق ډار د جمعې په مازیګر قومي اسمبلۍ ته د راتلونکي مالي کال لپاره د مجموعي ۴۳۱۳ اربه روپیوحجم لرونکې بودیجه وړاندې کړه.
د پاکستان د سرکاري راډیو پر ویب پاڼه د ورکړل شوو مالوماتو له مخې ، په بودیجه کې ۷۰۰ اربه روپۍ د دې لپاره بېلې کړل شوې دي چې د وفاقي حکومت له اړخه به د پرمختګ پر کارونو لګول کېږي.
خبر زیاتوي چې ۸۱۴ اربه بیا د صوبو لپاره بېلې کړل شوې دي چې هغوی پرې د پرمختګ پروژې پیل او سر ته ورسوي.
د خزانې وفاقي وزير اسحاق ډار پر دې موقع اسمبلۍ ته په خپله وينا کې وويل چې د ملک په دفاعي بجټ کې ۱۱ فيصده زياتوالی شوی دی.
د خزانې وفاقي وزير زياته کړه چې په ملک کې د بجلۍ د کمي پوره کولو لپاره ۲۴۸ اربه روپۍ په بودیجه کې اېښودل شوې دي.
ستاسې سېسټم د HTML5 په چلولو کې ستونزه لري.
د بودیجې په اړه تفصیل د ریاض موساخېل په رپوټ کې واورئ