اسلام اباد: د پاکستان په پنجاب صوبه کې د یو جومات امام ته پر نفرت خپرونکې وینا د بند سزا اورول شوې ده.
د پنجاب صوبې په قايم پور ښارګوټي کې د يو جومات امام ته د نفرت خپرونکې وینا په جرم کې د څه باندې لس کالو د بند سزا او د اووه لکه روپو جرمانه اورول شوې ده.
عبدالغني نومې امام ته دغه سزا د جمعې په ورځ د ترهګرۍ ضد عدالت يوه جج خالد ارشد اورولې ده.
د قايم پور پوليس تاڼې مشر لياقت علي د شنبې په ورځ مشال راډیو ته وویل ، هغه ته د نفرت خپرورنکي تقرير په کولو سره سزا ورکړل شوې. د قايم پور تاڼې پوليسو مولا عبدلغني له هغه ورسته نيولی وو چې نوموړي دوه مياشتې مخکې د يوې فرقې خلاف تقرير کړی وو.
د ترهګرۍ ضد ياد عدالت له نفرت ډک موادو يا لېټريچر خپرولو سره په تړاو کې هم څلورو کسانو ته د څه باندې دريو ، دريو مياشتو د قيد زا او پنځه پنځه زره روپو جرمانه اورولې دي.
تېرکال پر د پيښور پر آرمي پبلک سکول تر بريد وروسته پاکستاني حکومت د ترهګرۍ د مخنيوي قامي پلان جوړ کړی چې دارنګ د نفرت خپرورونکو ويناو او موادو مخه ونيسي.
ستاسې سېسټم د HTML5 په چلولو کې ستونزه لري.
په دې اړه تفصیل د سراج ظهیر په رپوټ کې واورئ