د سندرو امېل خپرونې پاڼې ته ښه راغلاست.
په نننۍ خپرونه کې مو د سوات له یوه پېژندل شوي انځورګر مراد سره خبرې کړې دي.
مراد وايي، د مېنګورې دی او له وړوکتوبه یې له انځورګرۍ سره مینه لرله. لومړۍ استاده یې مور وه او تر هغې وروسته له نورو مصورانو سره شاګرد شو. بالاخره د اسلام اباد په هنرکدې کې د نومیالي هنرمند جمال شاه شاګرد شو.
د مراد په خبره، د خپل هنر د پیسو ګټلو لپاره نه دی کارولی. مراد وايي، د حکومت پاملرنې نه کولو له کبله د سوات ګڼ هنرمندان اړ شول چې خپل وطن پرېږدي او په نورو هېوادونو کې مجبوري وکړي.
دی وايي، حکومت ته په کار ده چې اکاډمۍ جوړې کړي، د هنرمندانو زده کړو مراکز پرانیزي، د هنرمندانو د پنځونو نندارتونونه جوړ کړي نو بیا به د هېواد هنرمندان مزدوریو او مساپریو ته نه اړ کېږي.
له نوموړي سره نورې خبرې او سندرې هم د غږ (ږغ) په ځای کې اورېدای شئ.
ستاسې سېسټم د HTML5 په چلولو کې ستونزه لري.
د سوات نومیالی انځورګر مراد وايي لومړۍ استاده یې مور وه