د جنوبي وزيرستان د چکملۍ سيمې اوسيدونکي وايي له تېرو شپږ ورځو راهيسې د دوی په سیمه کې پر ګرځېدو بندیز دی او د پاکستان امنیتي سرتېري دوی سخت ځوروي.
ډیره اسماعیل خان: د جنوبي وزيرستان د چکملۍ سيمې اوسيدونکي وايي له تېرو شپږ ورځو راهيسې د دوی په سیمه کې پر ګرځېدو بندیز دی او د پاکستان امنیتي سرتېري دوی سخت ځوروي.
د چکملۍ سيمې يو وسدونکي خرم مسيد نن مشال راديو ته وويل چې د روانې مياشتې پر اتلسمه نېټه د دوي په سيمه کې د امنيتي سرتېرو پر موټر له بمي بريده وروسته امنيتي سرتيرو پر دوي دومره تشدد کړی چې ځينې ژوبل شوي سپين ږیري روغتون ته وړل شوي دي.
د چکملۍ سيمې يو بل اوسيدونکی بيا د ګرځبندیز له امله د ورپېښو ستونزو په اړه وايي ، د خوراک څښاک توکي ور ختم شوي اوناروغان یې درملو ته اړتیا لري.
د ده په وینا ، خو د ګرځبندیز له امله څوک بهر نه شي وتلای. پاکستانیو چارواکو په دې اړه څه نه دي ویلي.
ستاسې سېسټم د HTML5 په چلولو کې ستونزه لري.
د دې موضوع په اړه تفصیل د سېلاب محسود په رپوټ کې دلته واورئ