د عوامي نیشنل ګوند مشر اسفندیار ولي خان وايي دوی د خپل حکومت پر مهال هڅه وکړه چې د ترهګرۍ لمن له قبایلي سیمو خیبر پښتونخوا ته خوره نه شي، خو د باروتو د ډیري واک او کنترول د بل چا په لاس کې و ، نو ځکه خبره ورانه شوه.
نوموړی وايي کلونه پخوا چې نصیرالله بابر د پاکستان د کورنیو چارو وزیر و او په افغانستان کې یې طالبان واک ته رسول نو دوی ددې خبرې مخالفت په ډاګه کړی و او ورته یې ویلي وو چې که افغانستان کې طالبان خواره شول ، نو ډیورنډ لاین به یې مخه ونه نیسي، دا کیسه به دلته پاکستان ته هم راځي.
اسفندیارولي خان وايي کله چې د دوی حکومت و نو د طالبانو سره یې د سولې د لارې اړیکې ونیولې، خو چې خبره ونه چلېده ، نو په سوات کې د طالبانو پرضد د ځواک نه کار واخیستل شو. نوموړی وايي داچې په قبایلي سیمو کې د صوبايي حکومت واک نه چلیږي نو ځکه طالبان هلته ځواکمن پاتې شول.
د مشال همکار خالدخان د عوامي نیشنل ګوند له مشر اسفندیار ولي خان سره مرکه کړې، چې دلته یې اوریدلی شئ :
ستاسې سېسټم د HTML5 په چلولو کې ستونزه لري.
اسفندیارولي / مشال مرکه