فضل مومند د پېښور د مومندو د تپې د ادیزو اوسیدونکی دی. نوموړی له تېرو څو لسیزو راهېسې په خلیجي هیوادونو کې د مساپرۍ شپې ورځې سبا کوي او دا مهال د سعودي عرب په جده ښار کې په کار بوخت دی.
دا اونۍ په مساپرو ګړۍ کې نوموړی مېلمه و او ویې ویل چې د مساپرۍ پر مهال یې پیسې ټکې هم ګټلي خو د پښتو ادب د پرمختګ لپاره یې هم بلا کارونه کړي دي.
« دلته مو په جده کې د روښان ادبي جرګې بنسټ ځو کاله پخوا کېښود او تر ننه خپلې مهالنۍ غونډې کوو چې پکې مساپر ادیبان او شاعران ګډون کوي او د مشاعرو ترڅنګ د کره کتنې غونډې هم جوړوو. »
فضل مومند
نوموړی وايي د مساپرو فرهنګیانو په نوښت په افغانستان او پښتونخوا کې ډېری کتابونه او مجلې وخت په وخت خپریږي او د پښتو د معاصر ادب په ترقۍ کې د مساپرو ادیبانو ډېره زیاته ونډه ده.
فضل مومند په مساپرو ګړۍ کې دا هم وویل چې د سعودي عرب قوانین ډېر سخت دي او د پښتنو مساپرو لپاره هلته ژوند اسانه نه دی او د موسیقۍ او ټنګ ټکور پروګرامونه جوړول د مرغۍ پۍ دي، خو دوی بیا هم د پښتو شاعرۍ او موسیقۍ د ودې لپاره محفلونه جوړوي.
د مساپرو ګړۍ ددې اونۍ خپرونه دلته واورئ:
ستاسې سېسټم د HTML5 په چلولو کې ستونزه لري.
د مساپرو ګړۍ / فضل مومند