نن د فرانسې خلک د ولسمشر د ټاکلو لپاره خپلې رایې استعمالوي. دا د ولسمشرۍ د انتخاباتو دوهم پړاو دی چې پکې ایمونل ماه کرو او مارین لي پن د یو بل سره مقابله کوي.
د انتخاباتو له پایلو به دا خبره هم څرګنده شي چې ایا فرانسه د اروپايي ټولنې یو مخکښ غړی پاتې کېږي او که له یادې ټولنې څخه به ووځي. منځلاری کاندید ایمونل ماه کرو په اروپايي ټولنه کې د پاتې کېدو په حق کې دی خو مارین لي پن چې ملت پاله ده او د کډوالو په حق کې نه ده، له اروپايي ټولنې څخه د وتلو او د « یورو » د ختمولو لپاره کمپاین کاوه.
د فرانسې په واټونو د کاندیدانو انځورونه
د فرانسې د رایو اچولو په شپږ شپیته زرو مرکزونو کې خلکو له سهاره د ووټونو اچول پیل کړي چې د مازیګر تر پنځو بجو پورې به دوام وکړي.
د پاریس د رایه اچونې د یو مرکز مشره کلیر سوپین وايي:
« دا مهال زموږ لویه اندېښنه داده چې ایا د رایو ورکولو ټول مرکزونه د اړتیا وړ څیزونه لري او که نه؟ د سهار په اتو بجو خو هرڅه موجود وو، لکه ضروري وسایل، د اړتیا وړ مواد، اسناد او نور. زموږ لومړنۍ ترجیح دا ده چې د شپې د پایلو له اعلانه مخکې مو چارې ښې روانې وي. »
د ولسمشرۍ په لومړي پړاو کې ماه کرو په لې پن برې ترلاسه کړی و، او اوسنيو نظر پوښتنو کې هم منځ لاری کاندید ماه کرو مخکې دې.