د پاکستان پوځ د یوه خفیه اپرېشن په مټ پنځه تښتول شوي بهرنیان له وسله والو خوشې کړي دي چې له تېرو پنځو کلونو راهیسې وسله والو برمته کړي ول.
د پاکستان پوځ د عامه اړیکو څانګې ای اېس پي ار د یوې خبرپاڼې په وینا د کاناډا یو تن دهغه امریکایي مېرمن او د هغوی درې ماشومان د امریکايي استخباراتي مالوماتو په بنیاد له کورمۍ ایجنسۍ راخوشې کړل شوي دي.
د پوځ مطبوعاتو خبرپاڼه زیاتوي چې وسله والو دا بهرنیان په ۲۰۱۲ کال په افغانستان کې تښتولي ول.
د پوځ د مطبوعاتو څانګه وایي چې امریکا د پروسږ کال په یولسم اکتوبر د دې کسانو و پاکستان ته اړولو په اړه مالومات شریک کړي ول.
دا تښتول شوي کسان تر دې وړاندې په افغانستان کې ول.