په اسلام اباد کې د پښتونخوا ملي عوامي ګوند غونډه

پښتونخوا ملي عوامي ګوند د یکشنبې په ورځ په اسلام اباد کې د فاټا د اصلاحاتو په اړه غونډه وکړه. یادې غونډې کې د محمودخان اڅکزي په ګډون د نوموړي ګوند مهمو مشرانو ګډون وکړ. پښتونخوا ملي عوامي ګوند وايي قبایلي سیمې دې په خیبر پښتونخوا صوبه کې شاملې نه کړل شي، ازاد حیثیت دې ولري او په دې اړه دې د قبایلي سیمو له اولس څخه پوښتنه وشي چې هغوی څه غواړي؟ په دې ویډيويي راپور کې په اسلام اباد کې د نوموړي ګوند د پلویانو او مشرانو د غونډې ځینې صحنې لیدلای شئ. د راپور جوړونکی د مشال خبریال عمران یونس دی.