په پېښور کې د زرعي روزنیز مرکز پر هاسټل د وسله والو طالبانو په برید کې نهه تنه وژل شوي چې د چارواکیو په خبره اته پکې زده کوونکي دي. په ځوابي برید کې درې واړه بریدګر هم وژل شوي دي.
د جمعې پر ورځ د عید میلاد النبي په مناسبت په خیبر پښتونخوا کې عامه رخصتي یا چوټي وه. زده کوونکي وايي، دوی ویده ول چې برید وشو.
چارواکي وايي، وسله والو چادرۍ [برقعې] اغوستې وې او نن سهار يې د اسلامیه کالج پوهنتون مخامخ د زرعي روزنیز مرکز په هاسټل برید کړی دی.
د پېښور اېس اېس پي اپرېشنز سجاد خان مشال راډیو ته وویل، د کرنې روزنیز مرکز ته درې ځانمرګي بریدګر ورننوتي ول. د هغوی په ډزو کې اته طالبعلمان او یو څوکېدار وژل شوي دی.
امنیتي ځواکونه سیمې ته ورسېدل او پوځ ادعا کوي چې درې واړه برید ګر يې وژلي دي.
د پېښور شېرپاو روغتون منتظمینو مشال راډیو ته وویل چې په برید کې د یوه خبریال په ګډون ۲۲ کسان ژوبل شوي هم دي.
تحریک طالبان پاکستان د حملې ذمه واري منلې ده. او ویلي يې دي چې دوي د استخباراتي ادارو مرکز په نخښه کړی دی.
ویډیو: د مرستندویه ادارې ویاند معلومات ورکوي
ستاسې سېسټم د HTML5 په چلولو کې ستونزه لري.
په پېښور برید کې نهه وژل شوي، ۲۲ ژوبل: فیضي
په پېښور کې د مرستدویه ادارې ۱۱۲۲ ویاند بلال فیضي مشال راډیو ته وویل، د دوی کارکوونکو په امبولانسونو کې نهه مړي او ۲۲ ژوبل کسان روغتونونو ته وړي دي.
عیني شاهد د سترګو لیدلی حال بیانوي
ستاسې سېسټم د HTML5 په چلولو کې ستونزه لري.
د پېښور د کروندګرۍ پر روزنیز مرکز برید شوی
د شېرپاو هسپتال یوه منتظم مشال راډیو ته وویل، په ژوبلو کې یو خبریال دی.