د هندي فلمونو ستورې انوشکا شرما او د هند کرکټ ټیم لوبغاړي وېرات کوهلې واده وکړ، دواړو د اټلې په میلان سیمه کې د دسمبر پر ۱۱ مه د واده مراسم تر سره کړل. چې پکې د دواړو کورنیو نېږدې غړیو ګډون وکړ.
انوشکا شرما او وېرات کوهلې په خپل ټویټر پاڼه د واده اعلان وکړ او ویې ویل نن دوی دواړه له یو بل سره دا ژمنه کوي چې د مینې په دې رشته کې به تل له یو بل سره وي او د دې خبر په ورکولو ډېر خوشاله دي، دا ښکلې ورځ زموږ د مینه والو په دعاګانو او مرسته نوره هم خاص ده، او د ټولو په دې هر څه کې ډېره مننه کوي.
دواړو یو شان پیغام د خپل واده له عکسونو سره شریک کړی دی.
Today we have promised each other to be bound in love forever. We are truly blessed to share the news with you. This beautiful day will be made more special with the love and support of our family of fans & well wishers. Thank you for being such an important part of our journey. pic.twitter.com/Scobdiqk7l
— Anushka Sharma (@AnushkaSharma) December 11, 2017
هندۍ میډیا لیکي د دواړو د واده خبر تېره اوونۍ پر ټولنیزو رسنیو خپور شو، خو نه هم وېرات او نه هم انوشکا په دې اړه څه ویلي ول. د رسنیزو راپورونو له مخې د دوی د واده په مراسمو کې چې په اټلې کې تر سره شول، ډېرو لږو کسانو ته چې زیاتره یې نېږدې خپلوان ول، بلنه ورکړل شوې وه.
ایڼ ډي ټي وي لیکي دواړه به په هند کې د واده دوه پروګرامونه کوي، لومړی به د دسمبر پر ۲۱ د وېرات کوهلې لخوا په نوي ډیلې کې وي، او دوهم پروګرام به دواړه د خپلو ملګرو لپاره د دسمبر پر ۲۶ نیټه کوي.
په ټولنیزو رسنیو د دواړو د واده یوه ویډیو هم خپره شوې ده چې پکې انوشکا د پیکا پیازي رنګ لنګا اچولې ده، او پرې کار شوی دی، د هغې د واده جوړه هندي ډیزاینر سبیا ساچي جوړه کړې ده، او وېرات کوهلې هم د کار ډکه شیرواني اچولې ده. د میډیایي راپورونو له مخې دواړه به د واده د مراسمو وروستو خپلو کارونو ته ستنیږي.
وېرات کوهلي د هند د کرکټ د قامي لوبډلې کپتان دی او یو ډېر ښه بېټسمېن دی، بلخوا انوشکا د هندي فلمونو یوه تکړه هنرمنده ده، چې په یو شمېر کامیابو فلمونو کې یې کار کړی دی.
#AnushkaVirat #virushkaKiShadi #ViratKiBaraat #viratanushka #virushkaKiShadi #AnushkawedsVirat #Anushka Sharma #viratanushkamarriage @imVkohli @AnushkaSharma pic.twitter.com/PTf5RNpdgd
— POPBollywood.com (@popbollywood) December 11, 2017
په راروان کال کې به کوهلې په ساوت افریقا کې په یو کرکټ سیریز کې برخه اخلې او انوشکا به د شاه رخ خان او کترېنا کیف سره په فلم کې خپل کار ته ستنیږي.
د واده د اعلان وروستو په ټولنیزو رسنیو دواړو ته د کرکټ او هندي فلمونو ګڼو ستورو مبارکي وییلې ده، شا رخ خان لیکي دا نو اوس په ريښتیا رب د دوی جوړا جوړه کړه.
Ab yeh hui na real Rab Ne Bana Di Jodi. My love to both @AnushkaSharma & @imVkohli May God bless u with happiness & health pic.twitter.com/ymsT2Ay9Fh
— Shah Rukh Khan (@iamsrk) December 11, 2017