د پښتون ژغورنې غورځنګ؟

د پښتون ژغورنې غورځنګ يو مشر عالمزيب مسيد وايي د دې تحريک بنياد يې په ۲۰۱۵ م کال کې هغه وخت کېښود کله چې په ځمکه کې د ښخ کړل شوو ماينونو د لاسه د جنوبي وزيرستان د بې ګنا خلکو وژل پېل شول. د دې غورځنګ يوه بله مشره سميرينه خان وزير بيا وايي چې قبايلي سيمې له ماينونو د پاکولو ، فاټا اصلاحاتو ،تعليم او نورو يوشمير کارونو لپاره د ځوانانو مختلف تحريکونه روان وو چې بيا د پښتون ژغورنې غورځنګ تر سوري لاندې رايوځای شول. د دې غورځنګ په هلو ځلو،لاسته راوړنو او راتلونکو پلانونو مو له عالمزيب مسيد او سمرينه خان وزير سره د دې اونۍ په ځوانانو غږ خپرونه کې خبرې کړي.