د ایران تسنیم خبري اژانس د روغتیا وزارت چارواکو په حواله د دوشنبې په ورځ ویلي چې په هغه هېواد کې د ځنګلي پوڅکۍ خوړولو له وجې ۱۱تنه مړه شوي دي.
د ایران رسنۍ وايي، د دې له وجې تر ۸۰۰ زیات کسان ناروغه شوي دي.
چارواکو زیاته کړه چې د ځنګلي خریړو خوړولو له وجې تر ۲۰۰ زیات کسان په روغتونونو کې داخل شوي دي او په روغتونونو کې د داسې قسمه د زهرجنو خوړو د درملنې هېڅ بندوبست نه شته.
د تسنیم خبري اژانس ترمخه، په ایران کې د پسرلې بارانونو وروسته د هغه هېواد په مغربي غریزو سیمو کې د خرېړو پېداوار زیات کېږي.
د بي بي سي په یو راپور کې ویل شوي، د ایران خلکو ته خواست شوی دی چې یوازې دې له دکانونو په پېکټو کې بند خرېړي اخلي.