د جرمني خبري اژانس لیکي چې د مالي چارو کاري ډلې (ایف اې ټي ایف) پاکستان خړ لیسټ ته اچولی دی. د دغه نوملړ برخه ګرځیدونکي هغه هېوادونه وي چې له ترهگرو سره د مالي مرستې شک پرې کېږي. د اژانس په خبره له دې ګام سره څپڅپاند پاکستانی اقتصاد له لا نورو خنډونو سره مخامخېدلای شي.
د زیارت په ورځ پاکستانیو چارواکیو ویلي چې یادې ډلې په پېرس کې تر یوې اوونۍ اوږدې غونډې په پای کې دا پرېکړه وکړه.
د مالي چارو کاري ډلې د سږني کال په فبرورۍ کې پاکستان ته خبردارۍ ورکړی وو چې په خپله خاوره کې دننه دې د مبینه فعالو ترهګرو ډلو مالي سرچینو وچولو لپاره لارې چارې ولټوي.
سره له دې چې پاکستانیو چارواکیو د زرګونه مشکوکه ترهګرو د نیولو او له هغوی د میلیونونه ډالرو قبضه کولو دعوې کړې خو د ایف اې ټي ایف اسیا -ارام سمندر ډلې په خپله دوباره جاج اخیستنه کې څرګند پرمختګ و نه لید.
د جرمني په ګډون امریکا او د هغه اروپايي ملګرو هېوادونو له دې پس پرېکړه وکړه چې د ۳۷ هېوادونو ډله کې دې د پاکستان پروړاندې ګام واخیستل شي.
د جرمني خبري اژانس لیکي یوازې ترکي او چین د دغه وړاندیز مخالفت کړی وو خو دوه هېوادونه بس نه دي چې پرېکړه ودروي.
ستاسې سېسټم د HTML5 په چلولو کې ستونزه لري.
خړ لېسټ ته د پاکستان اچول څه مانا لري؟
د پاکستان کورنیو چارو وزیر اعظم خان پر دغه اقدام سخته خواشیني ښودلې، نوموړي پر امریکا او اروپايي هېوادونو نیوکې کړې چې د مالي چارو کاري ډله یې دغه پرېکړې کولو ته په زوره اړاېستلې ده.
د امنیتي چارو کاروپوه فدا خان وايي له دې ګام سره به پر پاکستان فشار لا ډېر شي ځکه چې امریکا غواړي دغه هېواد په افغانستان کې د سولې له تازه هڅو سره مرسته وکړي.
نور ولولئ