په ټوله نړۍ کې د اکتوبر ۱۱مه نېټه د نجونو د ورځې په توګه لمانځل کېږي او ملګرو ملتونو ویلي سږ کال غواړي په ټولنه کې د نجونو د روزګار او هنر په اړه پوهاوې پېدا کړي.
د دیر ثمر خان چې یوه ساییکل چلونکې ده. هغې یوشمېر ریکارډونه جوړ کړي دي خو په دا وروستیو کې د افریقا تر ټولو د دنګ غره څوکې ته په ساییکل تللې ده. هغه د پاکستان لومړنۍ ساییکل چلوونکې ده چې د تنزانیه په منجارو سیمه کې د تر ټولو هسک غره څوکې ته ختلې. ثمر وایي باید کورنۍ د تعلیم او لوبو په لار کې د خپلو لوڼو مخه و نه نیسي.
ثمر خان
له جنوبي وزیرستانه د سکواش لوبغاړې ماریه تورپېکۍ وایي په هر کور کې یوه ماریه ده. هغه وایي پښتنې نجونې باید خپل تعلیم او زده کړې پرېنږدي.
ماریه تورپیکۍ
د کوز دیر سایره شمس چې یوه سیاسي فعاله ده وایي په ټولنه کې د هلکانو په نسبت د نجونو په لاره کې خڼدونه زیات وي خو باید نجونې همت ونه بایلي.
شاهده شاه
په خیبر پښتونخوا او قبایلي سیمو کې د ښځو او لږکیو د حقونو لپاره کارکونکې شاهده شاه وایي دا خبره سمه ده چې د نجونو د تعلیم او روزګار په لار کې مشکلات زیات وي خو که د یوه کلي یوه نجلی نن همت وکړي نورې به یې هم مرسته وکړي. شاهده شاه وایي باید ښځې او نجونې پر خپلو پښو ودریږي.
تاندې هیلې خپرونه لاندې اوریدای شۍ
ستاسې سېسټم د HTML5 په چلولو کې ستونزه لري.
تاندې هیلې