په اسلام اباد کې د پاکستان او افغانستان ترمنځ د کډوالو په اړه د کاري ډلې دویمه غونډه شوې ده.
د نومبر پر اوومه د پاکستان د ریاستونو او سرحداتو د وزارت (سیفران) په ودانۍ کې په دې غونډه کې د افغانستان د کډوالو د وزارت مرستیالې ډاکترې علیمې په مشرۍ پلاوي په دې غونډه کې برخه واخیسته.
د پاکستان د پلاوي مشري د سیفران وزارت سېکرټر محمد اسلم وکړه.
د پاکستان د بهرنیو چارو وزارت د نومبر پر اوومه، په یو بیان کې ویلي چې په غونډه کې په پاکستان کې له مېشتو افغان کډوالو سره پر تړلو چارو او هېواد ته د هغوی د ستنېدو پر لارو بحثونه وشول.
دا مهال په پاکستان کې تر دوه نیمو میلیونو زیات افغان کډوال اوسي.
ستاسې سېسټم د HTML5 په چلولو کې ستونزه لري.
د مشال راډيو اېپ د ښکته کولو طريقه