د پاکستان وزير اعظم عمران خان ويلي چې د نومبر پر۲۳مه په کراچي او د اورکزو په کلايه کې ترهګريزې پېښې د هېواد د دښمانانو کار دی.
هغه د نومبر پر ۲۳مه پر خپله ټويټر پاڼه خپاره شوي پيغام کې د دې پېښو غندنه کړې او زیاته کړې یې ده چې دا پېښې د هېواد کمزوري کولو په موخه شوي دي.
عمران خان وويل چې د دې ډول پېښو په اړه له مخکې څخه اندازه وه ځکه چې د ده په خبره د چين سفر يې ډېر کامياب و.
د اپوزيشن ګوندونو يو شمېر مشرانو، د ملګرو ملتونو سيکرټري جنرل انتونيو ګوتېريش او امریکا هم د دې بريدونو په کلکو ټکو کې غندنه کړې.
تر دا مهال د کلايي د بريد ذمه واري چا نه ده منلې خو په کراچۍ کې د چينايي کونسلګرۍ د بريد ذمه واري بلوڅ بيلتون غوښتونکې ډلې بي ايل اې منلې ده.
ستاسې سېسټم د HTML5 په چلولو کې ستونزه لري.
د مشال راډيو اېپ د ښکته کولو طريقه