کرملين د امريکايي ولسمشر ډونالد ټرمپ پر پرېکړه خواشیني ښودلې چې له روسي ولسمشر ولاديمير پوتین سره یې خپله کتنه لغوه کړې ده.
ولسمشر ټرمپ په پنجشنبه پر خپل ټوېټرپاڼه ليکلي چې له ولاديمير پوتین سره خپله ټاکلې غونډه لغوه کوي.
ښاغلي ټرمپ د روسیې له خوا په تور سمندرګي کې د اوکرايني بېړیو او ماڼوګانو د نيولو په غبرګون کې دا پرېکړه کړې ده.
ټاکل شوې وه چې ډونالد ټرمپ له ولاديمير پوتين سره د راتلونکې اوونۍ په لومړيو کې د جي شل هېوادونو د مشرانو په غونډه کې په ارجنټاين کې وویني.
د پوتين وياند دیمتري پيسکوف نن د روسیې دولتي رسنيو ته وويل چې د امریکا د ولسمشر دا پرېکړه په دې مانا ده چې پر نړيوالو او دوه اړخيزو مسايلو بحثونه به وځنډېږي.
ده ويلي، ولاديمیر پوتين چمتو دی چې له خپل امریکايي سیال سره په تماس کې اوسي.
ستاسې سېسټم د HTML5 په چلولو کې ستونزه لري.
د مشال راډيو اېپ د ښکته کولو طريقه