د افغانستان د هلمند ولایت چارواکي وايي چې امنيتي او دفاعي ځواکونو د ولايت مرکز لښکرګاه څلورمې حوزې باباجي او سپين مسجد سيمې له کلونو سقوط وروسته بیرته له طالبانو ونیولې او دا مهال د امنيتي پوستو د ځای پر ځای کولو او د سيمو په تصفيوي علمیاتو بوخت دي.
د ولايت مقام نننۍ خبرپاڼه کې راغلي چې د میوند درې په نوم عملیات څو ورځې وړاندې پېل شوي ول چې د نادعلي په مربوطاتو کې د بُغرا پر غاړه د کوفکې او د ګرشک ولسوالۍ لوري ته دوام لري.
د لښکرګاه څلورمه حوزه باباجي له تېرو څلورو کلونو راهیسې د طالبانو په ولکه کې وه.
درې کاله کېږي چې د هلمند یو شمېر مهمې سیمې لا هم د طالبانو په ولکه کې دي. د نادعلي لوی مانده او د ښار څلورمه حوزه باباجي ښار ته نېږدې دوې ډېرې مهمې سیمې دي چې حکومتي سرتېرو ته په لاس ورځي.
وسله والو طالبانو لا په دې اړه څه نه دې ویلي.
ستاسې سېسټم د HTML5 په چلولو کې ستونزه لري.
د مشال راډيو اېپ د ښکته کولو طريقه