دا له هغه وروسته ده چې د بلوچستان حکومت اعلان وکړ چې په صوبه کې به د ډاکټرانو د حفاظت لپاره ځانګړي ګامونه پورته کړي.
د بلوچستان د ورغتیا وزیر نصیب الله مری د فرورۍ پر لومړۍ نېټه ماښام د کوټي په سول هسپتال کي د ډاکټرانو احتجاجي کیمپ ته ورغلی او هلته یې له تیرو ۵۰ ورځو راهیسي پر احتجاج ناستو ډاکټرانو سره ولیدل.
وزیر نصیب الله مري وروسته خبریالانو ته وویل چي دوي د ډاکټر ابراهیم خلیل په حفاظت سره پر راتلو ډیر خوشحاله دي.
ډاکټر ابراهیم خلیل تیر کال د دسمبر په ۱۳ نیټه له کوټې تښتول شوی وو او د ۲۰۱۹م کال د جنورۍ پر ۳۰ مه نیټه خپل کور ته ستون شو.
د ډاکټرانو د مشرانو په ونیا چي ډاکټر ابرایهم خلیل د ۵ کروړ روپۍ په بدل کي اغواکارانو خوشي کړی دی.
نصیب الله مری وویل چې حکومت د ډاکټرانو غوښتنې منلې دي چې له امله یې ډاکټرانو اوس خپل هړتال یا احتجاج ختم کړی دی.
پر دې مهال د ډاکټرایکشن کمټۍ مشر ډاکټر ظاهر خان مندوخیل وویل چې حکومت دوي ته د دوي د غوښتونو پوره کولو باور ورکړی دی.
د بلوچستان یو نامتو ډاکټر غلام رسولمشال راډیو ته وویل چې په تیرو ۱۵ کلونو کې د ویرې له امله تر ۹۴ زیاتو ډاکټرانو بلوچستان پرېښی دی.
ده وویل چې ۴۲ ډاکټران د تاوان لپاره تښتول شوي دي او د دې تر څنګ د مذهب او ژبې پربیناد په هدفي وژنو کي ۳۸ ډاکټران وژل شوي هم دي.