امداد چانډيو پر ځان د مقدمې چلولو لپاره د لوږې هړتال کړی وو

جمهوري غږونه د مشال راډیو خپرونه ده چې پکې له هغو سیاستوالانو، خبریالانو، پوهانو او فعالانو سره مرکې کېږي چې په پاکستان کې یې د ولسواکۍ او د حقونو لپاره د مبارزې پر مهال زندانونه تېر کړي، مشکلات یې ګاللي او ځورېدلي دي. د دې خپرونې دا برخه د ځوانانو د سازمان ډېموکرېټک سټوډنټس فېدرېشن پخواني مشر، سندهي سياستوال او نړيوالو اړيکو استاد ډاکټرامداد چانډیو په اړه ده. نوموړي د جنرال ضياوالحق په مارشلا کې شاوخوا پنځه کالونو په زندان کې تېرکړي وو. هغه او ملګري يې په درو وهل شوي ول. خپرونه د غږ په ځای کې اورېدای شئ