پراګ ـ د هند او پاکستان رسنیو په سند صوبه کې د هندوو جینکیو د مذهب د بدلولو په اړه د دواړو خواوو د چارواکو د نظرونو په رڼا کې راپورونه خپاره کړي دي.
ډیلي ټایمز ورځپاڼه لیکي، د پاکستان د اطلاعاتو وزیر فواد چوهدري د مارچ پر ۲۴مه ویلي، وزیراعظم عمران خان د سیند صوبي حکومت ته هدایات ورکړي چې دوو هندوو جینکیو د کم عمرۍ د ودونو او په زوره د مذهب بدلولو د پېښې پلټني دې وکړي او په دې لړ کې دې په سمدستي توګه ګامونه پورته کړي.
آج صبح وزیر اعظم عمران خان نے وزیر اعلی! کو یہ ہدائیت جاری کی ہے کہ سندہ سے اغوا ہونیوالی دو نو عمر ہندو لڑکیوں کے بارے میں ایسی اطلاعات ہیں کہ انھیں رحیم یار خان منتقل کیا گیا ہے، اس معاملے کی فوری تحقیقات کی جائیں اور اگر ایسا ہے تو بچیوں کو بازیاب کرایا جائے،
— Ch Fawad Hussain (@fawadchaudhry) March 24, 2019
د راپورونو له مخې دوه خویندې رینا او روینا څو ورځې وړاندې د سیند صوبي له ګوټکي سیمي څخه تښتول شوې وې.
خو د هندوستان ( اېن ـ ډي ـ ټي ـ وي ) د ټایمز اف انډیا په حواله راپور خپور کړی چې ورکې راغلي، دوې هندوې نجونې په زوره تر تښتول کېدو وروسته په زوره مجبورې کړل شوي چې له خپله مذهبه دې واوړي.
د پاکستان د اطلاعاتو او خپرونو وفاقي وزیر فواد چوهدري په ټویټر لیکلي، دا دوه جینکۍ تر ودولو وروسته رحیم یار خان سیمي ته وړل شوې دي.
د هندوستان د بهرنیو چارو وزیرې سوشما سوراج د مارچ پر ۲۴مه په ټویټر پیغام کې وویل چې په اسلام اباد کې یې د هندوستان له های کمېشنر څخه د دې پېښې په اړه معلومات غوښتي دي.
I have asked Indian High Commissioner in Pakistan to send a report on this. @IndiainPakistanTwo Hindu girls abducted on Holi eve in Pakistan%27s Sindh https://t.co/r4bTBSoy9d via @TOIWorld
— Chowkidar Sushma Swaraj (@SushmaSwaraj) March 24, 2019
له دې بیانه وروسته یو وارې بیا د پاکستان د اطلاعاتو او نشریاتو د وفاقي وزیر بل ټوېټ پیغام مخې ته راغلو چې پکې نوموړي ویلي، دا د پاکستان کورنۍ مسئله ده.
ډیلي ټایمز ورځپاڼه لیکي، دا پيښه له هغې وروسته څرګنده شوه چې په یوې ویډیو کې د یادو دوو جینکو پلار او ورور تور پورې کړ چې هغوی تښتول شوې او په زوره اسلام مذهب خپلولو ته مجبوره کړل شوې دي. خو بیا په یو بله ویډیو کې دوه جینکۍ وايي چې اسلام یې په خپله خوښه قبول کړی دی.
بلخوا په پاکستان کې ګڼو مدني فعالانو د دې هندوو جینکو د کم عمرۍ ودونو او په زوره مذهب بدلولو د پېښې غندنه او له چارواکو یې د پلټنو غوښتنه کړې ده.
ورځپاڼه لیکي، په کراچۍ کې مدني فعال جبران ناصر په خپل ټویټر پاڼه لیکلي، دوو خوېندو ۱۴ کلنې رینا او ۱۶ کلنې روینا په ګوټکي سیمه کې په یوې درګاه کې اسلام قبول کړی دی.
Father of #Reena 14 #Raveena 16 who were forcefully converted to Islam is beating himself up out of sheer desperation. He says either help me get my daughters back safely or kill me. Yeh thappar yeh buzurg apne moun per nahi maashray ke moun per maar rahay hain @BBhuttoZardari pic.twitter.com/cpmlvruAEC
— M. Jibran Nasir (@MJibranNasir) March 23, 2019
بل لور ته د پاکستان سرکاري خبري اژانس لیکلي چې د کورنیو چارو وزیر شهریار افریدي د اتوار پر ورځ د سیند صوبې د پولیسو مشر ته له ګوټکي څخه د دوو هندوو تښتول شوو جینکو د پلټنو کولو ویلي دي. نوموړي زیاته کړه، دا جینکۍ د پاکستان وګړي دي. شهریار افریدي وايي، د حکومت ذمه واري ده چې خپل وګړي له هغو کسانو وژغوري چې مذهب د خپلو ګټو لپاره کاروي.
په پاکستان او په ځانګړي توګه په سیند صوبه کې تر دې وړاندې هم د کم عمرۍ ودونو او په زوره د مذهب بدلولو پېښې رپورټ شوې دي. د بشري حقونو ادارو په وینا، د دې ستونزي له وجې ځیني هندوان او دغسې نور اقلیتونه سیمي یا پاکستان پرېښودو ته اړ شوې دي.