پراګ - په شمالي وزیرستان کې د اپرېل پر ۲۷ مه په وسله وال برید کې د درو خاصه دارو تر وژنې وروسته د سیمې خلکو مظاهره کړی او د پیښې پلتڼو لپاره يي د عدالتي کمیشن غوښتنه کړی ده.
دا خاصه دار هغه وخت ووژل شول چې پر پوسته کې يې چاودنه وشوه.
تر دې وروسته د وزيرستان د شوې اوسېدونکو مظاهره وکړه او د وژلیو خاصه دارو مړي يې په چوک کې کښېښودل او د ټل او میرلي لويه لار يې وتړله.
یو وار بيا په دواړو وزیرستانونو کې د هدفي وژنو او ترهګرو بریدونو لړۍ پیل شوې ده او ځېنې وسله والې ډلې بيا فعاله شوې دي.علي وزير
پر دې مهال ويناوالو غوښتنه وکړه چې د خاصه دارو قاتلان دې معلوم او سزا شي.
د پاکستان په قامي اسمبلۍ کې د جنوبي وزیرستان استازي علي وزیر د اپرېل پر ۲۷مه مشال راډیو ته وويل چې یو وار بيا په دواړو وزیرستانونو کې د هدفي وژنو او ترهګرو بریدونو لړۍ پیل شوې ده او ځېنې وسله والې ډلې بيا فعاله شوې دي.
نوموړي تور پورې کړ چې ریاست د امنیت ښه کولو پر ځای خپلې سیاسي او سټراټیجیکي ګټې په پام کې نیسي.
خو د پاکستان پوځي او حکومتي چارواکي ادعا کوي چې په سیمه کې د وسله والو ډلو پر ضد عملیات ترسره کړي او اوس د بېکوره خلکو د ابادۍ او سیمې د پرمختیا لپاره پر یو شمیر پروژو کار روان دی.
د پاکستان د پوځ یو پخوانې افسر برېګېډیير سعد محمد خان مشال راډیو ته وويل چې د سيمې په پوره توګه له وسله والو په پاکولو کې به وخت لګي او د ده په وينا په دې لړ کې په سيمه کې هدفي عمليات هم دوام لري.