د افغانستان د کرکټ ملي لوبډلې وېکټ ساتونکی شهزاد محمدي د ۲۰۱۹ز کرکټ نړیوال جام له سیالیو بهر شو.
د افغانستان کرکټ بورډ د جون پر شپرمه ویلي، نوموړی د زنګانه ژوبلېدو له لوبو بهر شوی.
د کرکټ بورډ مشر عزیز الله فضلي وايي، د نوموړي پر ځای به ځوان وېکټ ساتونکی اکرام عليخېل ژر له لوبډلې سره یو ځای شي.
شهزاد محمدي په وروستیو دوو لوبو کې د خرابې کارکردګۍ له کبله تر نیوکو لاندې وو.
افغانستان د کرکټ نړیوال جام په سیالیو کې تر اوسه دوه لوبې کړې دي او دواړه یې بایللي دي.