د پېښور افغان مارکیټ دکانداران په دوو کې راګېر دي

په پېښور کي د افغان مارکیټ دکانداران وايي، له ډېرې مودې راهیسې دوی د خپلو دکانونو کرایه د افغان ملي بېنک په کاته (اکاونټ) کې اچوي خو اوس د دوی په وینا یوه، یوه قبضه مافیا راپیدا شوې او له دوی څخه په زوره د دکانونو کرایه غواړي. بلخوا د پاکستان ستري محکمې (سپریم کورټ) د پېښور په څانګه کې د دې مارکیټ د ملکیت په اړه یوه قضیه هم روانه ده او په پېښور کي د افغانستان کونسلګرۍ چارواکي وايي چې په پېښور کي دا مارکیټ د افغانستان ملکیت دی. نور تفصیل له پېښوره د غلام غوث په ویډیو راپور کې.