د سېپټمبر پر ۲۵مه په اسلام اباد کې یوې خبری غونډې ته په وینا کې د صحت لپاره د وزیر اعظم ځانګړي سلاکار ډاکټر ظفر میرزا وویل د ناروغۍ د قابو کولو لپاره هڅې کوي خو ویره ده چې دا نوره هم خوره شي.
نوموړي زیاته کړه چې په خیبر پښتونخوا کې د ډینګي وایرس له کبله د ناروغانو شمېره ۲۲۶۰ ته رسیدلې خو تر ټولو ډېر کسان يې په کراچۍ او پنډۍ کې ځپلي دي.
بلخوا ډاکټران او ځايي خلک دغه شمېره زياته ښايي.
د پنډۍ بي نظيربټو روغتون مشر، ډاکټر رفيق احمد اې پي خبري اژانس ته ويلي دي چې يوازې پرون ورته ۱۰۸ ناروغان وړل شوي دي.