د بلوچستان های کورټ چیف جسټس جمال خان مندوخیل او جسټس نذیر احمد نن (د مارچ شپاړسمه) په دې اړه د يو درخواست اورېدنه وکړه او وې ويل چې حکومت په دې لړ کې سم کار نه دی کړی.
های کورټ حکم کړی چې راتلونکې اورېدنې ته دې د صحت سیکريټري راشي او ځواب دې ورکړي. چيف جسټس پوښتلي چې د ايران او افغانستان سره پر پوله د کورونا وایرس مریضانو معلومولو لپاره ځانګړې روغتيايي ډلې ګمارل شوې نو بيا دې وايرس په کوټه کې څنګه خلک وهلي؟
دا هم وګورئ: د کورونا وایرس مخنيوي لپاره مدرسې بندې شوېپه بلوچستان کې د مارچ تر شپاړمې پورې په کورونا وايرس د اخته کسانو شمېر لس دی. حکومت د ايران سره پر پوله روغتيايي ډلې کښېنولې دي او له پاکستانه اخواته وک ورتګ ته نه ورپرېږدي.
بل لور ته نن په ۱۵ مه ورځ هم د افغانستان سره د چمن لاره تړلې ده چې له امله یې د دواړو هیوادونو ترمنځ تجارت ودرېدلی دی.
پرون مازيګر د بلوچستان مرکز کوټې ته څېرمه په هزار ګنجي کې د کرونا وایرس ناروغانو لپاره ځانګړي مرکز کې هغو زایرنو سخت احتجا ج کړی چي په دې ورستیو کي دایران څخه ورستانه شوي دي.
دوی وايي په دغه مرکز کې سخته یخني ده او د دوی لپاره سهولتونه د نشت برابر دي. دلته نیزدي څلور زره کسان مېشته کړل شوي چې د ۱۴ ورځو موده تېروي.
احتجاج کونکیو د قدرتي افتونو د نظم ادارې (پي ډي ایم اې) په ګاډو د کاڼو ګوزارونه هم وکړل. خو وروسته حکومتي چارواکي او مشران دوی له ورغلل او د زر تر زره د سهولتونو ورکولو ډاډ یې ورکړ.
ستاسې سېسټم د HTML5 په چلولو کې ستونزه لري.
کورونا وايرس: پاکستان له بازارونو څخه ماسکونه په ورکېدو دي