د ایران د روغتیا چارواکي وايي په دغه هېواد کې د کورونا وایرس لوجې د مړو شمېره ۱۶۸۵ ته ورسېده او د ناروغانو شمېر یې هم په زیاتېدو دی.
د ایران د روغتیا وزارت نن وویل په تېرو ۲۴ ګهېنټو کې د کورونا وایرس لوجې ۱۲۹ کسان مړه شوي او تر نن ورځې د کورونا وایرس د تصدیق شویو ناروغانو شمېر ۲۱۶۳۸ ته رسېدلی دی.
ایراني چارواکو له خپلو خلکو غوښتنه کړې چې د نوروز په رخصتیانو کې دې له خپلو کورونو څخه نه اوځي. په دغه هېواد کې د نوي کال هلې ځلې د مارچ له ۲۰ څخه پیل شوي دي.
له اټلي او چین وروسته ایران په دریم نمبر دی چې کورنا وایرس تر ټولې نړۍ ډېر ځپلې دی.