د کورونا وایرس وبا په اړه نوي پرمختګونه

د نړۍ لسګونه ساینسپوهان وايي امکان شته چې کورونا وایرس په هوا کې هم پاتې شي او خپور شي. د روغتیا نړیوال سازمان (ډبلیو اېچ او)ویلي، د ساینسپوهانو د دې دعوې پلټنې کوي. ډبلیو اېچ او تر اوسه پورې دریځ لري چې دا وایرس د خلکو د ټوخي، پرنجي او د مخامخ خبرو کولو پر وخت له خولې او پوزې د وړو څاڅکو له لارې خپرېدای شي. ډبلیو اېچ او همداراز وايي، په کور کې د ساتل شویو ځناورو لکه سپیو او پیشوګانو څخه د وایرس د خپراوي خطر کم دی. امریکايي پوهان وايي، ښايي د روان کال تر پایه د وایرس واکسین جوړ کړي. نورد مشال راډیو د خبرونو مرکزي څانګې په ویډیويي رپورټ کې