د پاکستان پوځ وايي په بلوچستان کې يې يو سرتيری وژل شوی او درې زخميان شوي دي.
د پوځ له خوا د جولای په ۲۵مه خپره شوې خبرپاڼه کې راغلې چې دا پېښه پرون د کيچ ضلعې په تربت کې هغه وخت وشوه چې وسله والو د پوځ پر ګزمې بريد وکړ.
پوځ دا هم ويلي چې په تربت کې يې د يو بل بريد هڅه ناکامه کړې او پرون يې د بلوچ لیبريشن ارمي يو تن وژلی او درنه وسله يې ترې نيولې ده.
دې بېلتونپالې وسله والې ډلې د پوځ دعوو په اړه لا څه نه دي ویلي.