پاکستاني چارواکو د اګست پر ۲۴مه وویل، په دغه هیواد کې پر کورونا اخته شوي نږدې ۹۵ په سلو کې ناروغان بیرته ښه شوي دي.
د کویډ ـ ۱۹ په اړه معلومات خپرونکې سرکاري ویبپاڼې د معلوماتو له مخې په تېرو ۲۴ ساعتونو کې ۹۹۳ کسان له ناروغۍ بیرته ښه شوي دي چې په مجموعي توګه د رغېدلو کسانو شمېره نږدې دوه لاکه او ۷۷ زرو ته رسوي.
چارواکي وايي، اوس مهال په پاکستان کې د کویډ ـ ۱۹ ناروغۍ څه د پاسه ۱۰ زره فعاله کیسونه پراته دي.
حکومتي ویبپاڼه لیکي چې د اګست تر ۲۴مې۲۶۱ ۲۹۳ کسان په کورونا اخته شوي او ۶۲۴۴ کسانو د یادې ناروغۍ پر وړاندې ژوند بایللی.