په زوره تری تم کول: د پاکستان "ناحل شوې" ستونزه

د اګست پر ۳۰مه هر کال په نړۍ کې په زوره د تری تم شوو کسانو ورځ لمانځل کېږي. د دې ورځې مقصد د نړۍ په بېلا بېلو هېوادونو کې په جبري توګه د خلکو د تری تم کولو عمل درول او د بشري حقونو ساتنه ده. په پاکستان کې له اوږدې مودې راهيسې په زوره د خلکو د تری تم کولو لړۍ روانه ده چې په هېواد کې دننه او دباندې يې د بشري حقونو سازمانونه د درولو غږ کوي او دا عمل د بشري حقونو ضد ګڼي خو دا ستونزه لا تر اوسه ناحل پاتې ده.