ډونلډ ټرمپ دا خبره تر هغو راپورونو وروسته وکړه چې پکې ویل شوي، ایران په پام کې لري یوه امریکايي سفارتکاره د ایراني جنرال قاسم سلیماني د وژنې په غچ کې ووژني.
ولسمشر ټرمپ د سېپټېمبر پر ۱۴مه په یوه ټویټ کې وویل: "د امریکا په وړاندې د ایران هره حمله به، که په هره بڼه وي، زر برابره سخته ځواب شي.
" د ایران د سپاه پاسداران د قدس ځواک قومندان قاسم سلیماني د روان ۲۰۲۰ز کال په جنوري میاشت کې د عراق پلازمېنې بغداد ته څېرمه د امریکا په يو ډرون بريد کې ووژل شو."
ډونلډ ټرمپ لیکلي: "داسې راپورونه شته چې ایران ښايي د ترهګر رهبر سلیماني د وژنې په تړاو کومه وژنه یا بريد پلان کړي."
...caused over so many years. Any attack by Iran, in any form, against the United States will be met with an attack on Iran that will be 1,000 times greater in magnitude!
— Donald J. Trump (@realDonaldTrump) September 15, 2020
ځینو امریکايي چارواکو د سېپټېمبر پر ۱۴مه رسنیو ته ویلي وو چې ایران په جنوبي افریقا کې د امریکا د سفیرې لانا مارکس د وژنې پلان لري.
د ټرمپ د دې څرګندونو په ځواب کې ايران واشنګټن ته خبرداری ورکړی چې د امريکا د يوې "نوې سټراټيجيکي غلطۍ" په صورت کې به ايران "قاطع ځواب" ورکړي.
دا خبره د ايران حکومت وياند علي رابعي د سېپټېمبر پر ۱۵مه په تهران کې يوې خبرې غونډې ته وکړه.