د پنجاب په ملتان کې د بهاالدین زکریا پوهنتون او د بهاولپور اسلامیه پوهنتون هغه زده کوونکې چې د قبایلی سیمو او بلوچستان سره تعلق لري له تېرو درېو اونیو راهیسې په احتجاج دي او غواړي چې د دوی داخلو مخصوص سیټونه دې بیرته بحال کړل شي.
دغو داوړو پوهنتونونو د بلوچستان او قبایلي ضلعو زده کونکیو ته ویلي چې د خپلو مالي مسلو له کبله نور دغو زده کوونکو ته وړیا تعلیم او د هاسټل سهولت نه شي ورکولای.
دغو دواړو پوهنتونونو ته د مارچ په میاشت کې د خیبر پښتونخوا د داخله او قبایلي ضلعو د تعلیم محکمو لیکلي ول چې د دوی زده کوونکو ته دې تعلیمي ادارې نیغ په نیغه په خپلو مخصوصه سیټونو د وړیا تعلیم لپاره داخلې ورکړي.
خو زده کوونکي وایي بهاوالدین زکریا پوهنتون او او د بهاولپور پوهنتون انتظامیې ورته لیکلي چې دوی نور داسې نه شي کولای، نو ځکه یې اوس احتجاج پیل کړی.
بلخوا په قامي اسمبلۍ کې د سېفران د سټېنډنګ کمېټۍ چیرمېن ساجد موند مشال راډیو ته ویلي دوی به په دې اړه د لوړو زده کړو د کمېشن او نورو اړوندو چارواکو سره په دې اړه خبرې کوي.