بختيار خټک "لټون ميوزک" پروژه ولې پيل کړه؟

د دې اوونۍ په "هارون باچا هنري ګړۍ" خپرونه کې مو له پېژندلي سندرغاړي بختيار خټک سره د ده د "لټون ميوزک" پروژې په اړه خبرې کړې دي. نوموړی وايي، له خپلو درو هنرمندانو ملګرو سره په ګډه د پښتونخوا پر کليو ګرځي او له سندرغاړو سندرې ثبتوي. د ده په خبره، دا سندرې پر ټولنيزو پاڼو خپروي چې پښتانه له خپلو ولسي سندرغاړو سره اشنا شي. د خټک دا خبرې او دوی جوړې کړې ځينې سندرې د غږ په ځای کې اورېدای شئ.