د ولسمشر ټرمپ انتظاميې د نومبر پر ۲۳ مه نېټه تر ټاکنو نېږدې درې اوونۍ وروسته د منتخب ولسمشر جو بايډن ډلې ته د واک انتقالولو د بهير پیلولو منظوري ورکړې ده.
ټرمپ انتخاباتي نتيجې منلې نه دي البته ويلي دي چې د فيدارلي ادارې له خوا د واک انتقالولو د پروسې پيلولو له پرېکړي سره رضا دی.
تر دې وړاندې جنرل سروس اېجنسۍ چې ډېر شهرت نه لري مشرې ايملي مورفې جو بايډن ته په رسمي خط کې وليکل چې د جنورۍ ۲۰مې تر مراسمو له مخه هغه ته د واک انتقال په رسمي توګه پېلېدای شي.
ټرمپ پر ټويټر پاڼه وليکل چې د خپل هېواد غوره ملي ګټو ته په پام سره سپارښتنه کوي چې ايملي او د هغې ډلې دې د ابتدايي تشريفاتو په برخه کې هغه څه وکړي چې ورته اړتيا ليدل کېږي او په وينا يې ده خپلې ډلې ته هم ويلي چې هم دغسې وکړي.
I want to thank Emily Murphy at GSA for her steadfast dedication and loyalty to our Country. She has been harassed, threatened, and abused – and I do not want to see this happen to her, her family, or employees of GSA. Our case STRONGLY continues, we will keep up the good...
— Donald J. Trump (@realDonaldTrump) November 23, 2020
د جي سي اې د دې اقدام معنی دا ده چې د بايډن ډله بلاخره کولای شي چې د واک بې له څه خنډه د انتقالولو په لړ کې له چارواکو سره تماسونه ونیسی او د انتقالی مرحلی د پیل لپاره د امریکا د مالیه ورکونکو پیسو ته لاس رسی ولری.
دا بایډن او مرستيالې ولسمشرې کاملا هيرس ته هم اجازه ورکوي چې د ملي امنيت په اړه هم هغه معلومات ترلاسه کړي چې ولسمشر ټرمپ هره ورځ ترلاسه کوي.
دا ګام له هغه وروسته واخيستل شو چې د واک په انتقال د ځنډولو پر سر ډموکراټو او د ريپبلکن ګوند ځينو مهمو مشرانو پر ولسمشر ټرمپ فشار راووست.
د بايډن ډلې په ځنډ سره د پیسو د ورکړې هرکلی وکړه او دا يې بې له خنډه او په پرامنه توګه د واک انتقالو لپاره مهم وګڼلی.
بايډن په يوه بيان کې ویلي چې د جي اېس اې انتظاميې منتخب ولسمشر جو بايډن او مرستيالې ولسمشره کاملا هیرس په ظاهره د انتخاباتو د ګټونکي په توګه ارزولي دي.