د پاکستان پوځ مشر په کوټه کې د وژليو هزاره کانکیندونکيو له کورنیو سره ليدلي دي.
د پوځ عامه اړيکو ادارې" ای اېس پي ار" په بيان کې ويلي چې جنرال قمر باجوه د جنورۍ پر ۱۳مه د وژل شويو کسانو کورنيو ته ډاډ ورکړ چې د دې پېښې عاملينو ته به سزا ورکول کېږي.
دغه ۱۰ کانکیندونکي د جنورۍ پر څلورمه د مچ په سيمه کې وژل شوي ول چې ذمه واري يې داعش وسله والې ډلې منلې وه.
ستاسې سېسټم د HTML5 په چلولو کې ستونزه لري.
د وژل شوو هزاره ګانو مړي خاورو ته وسپارل شو
له دې وروسته هزارګانو له مړو سره په کوټه کې تر شپږو ورځو پورې درنا ورکړه.
د پوځ بيان زياتوي چې جنرال باجوه ته د غونډې پر مهال د بلوچستان پر امنيتي حالاتو مالومات ورکړل شول.
وروسته نوموړي پوځي افسرانو ته په وينا کې وويل چې بلوچستان ډېر سټرېټېجک ارزښت لري چې نو ځکه د ده په ادعا د دښمنانو ورباندې نظر دی.
خو زياته يې کړه چې د دښمنانو لخوا د حالاتو ګډوډولو هڅې به کاميابۍ ته پرې نه ښوول شي.