د افغانستان د ننګرهار چارواکي د دې ولایت په بېلا بېلو سيمو کې د لسګونو وسله والو طالبانو د وژلو ادعا کوي.
د ننګرهار چارواکي وایي چې بېګا شپه د خوږیاڼو ولسوالۍ زاوه سیمه کې د هوایي بریدونو او کمینونو په نتیجه کې ۳۱ وسله وال طالبان وژل شوي دي.
د ننګرهار والي ضیاالحق امرخېل د فېبروري پر ۱۲ مه په خپل ټويټر لیکلي چې په شېرزادو ولسوالۍ کې هم د عملیاتو په دوران کې شپږ وسله وال طالبان وژل شوي او د هغوی وسلې او نور مهمات له منځه وړل شوي دي.
تازه:د #ننګرهار خوږياڼو ولسوالۍ زاوې سيمه کې د تيرې شپې راهيسې د هوايي بريدونو او کمينونو په پايله کې ۳۱ وسله وال طالبان وژل شوي چې جسدونه يې په سيمه کې پاتي دي، دا راز د شيرزادو ولسوالۍ په مربوطاتو کې ۶ وسله وال طالبان وژل شوي، چې وسلې او مهمات يې هم تخريب شوي دي.
— Ziaulhaq Amarkhil (@ZiaulhaqAmarkhi) February 12, 2021
وسله والو طالبانو د یادو عملیاتو په اړه رسنیو ته څه نه دي ویلي.